Српското Обвинителство за организиран криминал денеска соопшти дека формирало два предмета по пријави на адвокатот Иван Ниниќ за можни изборни злоупотреби. Едниот се однесува на директорот на БИА, Владимир Орлиќ, и други службеници на агенцијата.
Од полицијата е побарано да ги провери наводите за злоупотреба на службената положба, повреда на избирачкото право и принуда. Обвинителството наведе дека барањето за прибирање информации и разговори со пријавените било испратено на 4 ноември.
Вториот предмет опфаќа пријава против министерот за правда Ненад Вујиќ, функционери во затворскиот систем и други лица. Постапувањето е во предистражна фаза, во која треба да се утврди дали наводите се поткрепени со докази.
