Закани за поставени бомби денеска предизвикаа безбедносни проверки на повеќе патнички летови во Европа. Авион на „Финер“ од Хелсинки кон Рим слетал на Фјумичино со придружба на италијански воени авиони.
Лет на „Аер Лингус“ од Даблин кон Рим бил пренасочен кон воената база Евре во Франција. Одделни проверки биле спроведени и на Малпенса, по слетувањето на авиони од Солун и Порто, кои пристигнале на својата планирана дестинација.
Еврокомесарот за транспорт Апостолос Ѕиѕикостас побара координација меѓу националните власти, аеродромите и авиокомпаниите. Тој порача дека истрагите продолжуваат и дека е прерано да се заклучи дали инцидентите се поврзани.
