Полициски службеници денеска спроведуваат претреси на повеќе локации во Штип и Скопје во рамките на истрага за сомнителни интервенции во студентската евиденција на Универзитетот „Гоце Делчев“. Според првичните информации, се проверува постапувањето на вработен задолжен за информатичките системи.
Сомнежите се однесуваат на менување испитни бодови, бришење оценки и овозможување запишување семестри без исполнети услови, наводно за паричен надомест. При претрес биле пронајдени готовински средства, но нивниот износ и евентуалната поврзаност со случајот не се утврдени во првичните информации.
