Секторот за внатрешни работи Битола, во координација со Општина Битола и ЈП „Паркинзи“ – Битола, ја информира јавноста дека во идниот период ќе спроведува активности за зголемување на безбедноста во сообраќајот на подрачјето на Битола.
Во рамки на активностите, во функција ќе биде ставена пајак-службата, која ќе врши отстранување на паркирани возила спротивно на сообраќајните правила и прописи, возила оставени на зелени јавни површини, хаварисани и нерегистрирани возила, како и предмети од јавни површини.
Целта на овие активности е зголемување на безбедноста во сообраќајот, обезбедување непречено движење на пешаците и возилата, како и заштита на јавните и зелените површини.
Апелираме до граѓаните навремено да ги отстранат своите возила од непрописно зафатените паркинг-простори и зелените јавни површини за да избегнат санкционирање и отстранување на возилата.
СВР Битола упатува апел до сите учесници во сообраќајот да ги почитуваат сообраќајните правила и прописи и со своето одговорно однесување и да придонесат за побезбеден град.
