Рускиот министер за надворешни работи Сергеј Лавров изјави дека евентуална директна средба меѓу претседателите Владимир Путин и Володимир Зеленски би можела да се одржи во Москва. На прес-конференција во Атланта, по состанокот на министрите за надворешни работи на Г20, Лавров порача дека украинскиот претседател треба да ја прифати руската престолнина како место за разговорите.
Според шефот на руската дипломатија, Москва би обезбедила гаранции за безбедноста на Зеленски доколку тој одлучи да допатува. Рускиот министер истовремено го повторил ставот дека Кремљ е подготвен за разговори, но под услови што ги поставува руската страна.
Украина претходно предложила директна претседателска средба за разговори за завршување на војната, но ја отфрлила можноста таа да се одржи во Москва. Разликите околу местото и условите на разговорите остануваат една од пречките за организирање состанок на највисоко ниво.
