Грција се подготвува за неколку последователни бранови нестабилно време, со обилни врнежи, грмежи и можност за град во повеќе региони. Според прогнозите објавени денеска, првиот бран треба да пристигне од Јонското Море во сабота навечер, а врнежите ќе се прошират во текот на неделата.
За недела се предвидуваат силни грмежи и дождови во Јонскиот регион, источниот дел на Егејското Море, Додеканезите, како и во делови од северна Грција и Халкидики. На одредени места се очекуваат и поинтензивни атмосферски појави, вклучувајќи град и засилен ветер.
Нестабилните временски услови се очекува да продолжат до вторник, со постепени промени во интензитетот на врнежите. Прогнозата е особено значајна за граѓаните кои патуваат кон Грција, бидејќи локалните невремиња може да влијаат врз сообраќајот и активностите на отворено.
