Во текот на изминатото деноноќие, на различни локации во државата, полициски службеници лишија од слобода четири возачи поради сторено кривично дело „безобѕирно управување со моторно возило“ по член 297-а од Кривичниот законик.
Од нив, две лица управувале возило без положен возачки испит и тоа: малолетник од Скопје и 40-годишен жител на село Алгуња, општина Старо Нагоричане.
Под дејство на алкохол возел 19-годишен жител на Кичево, кој претходно учествувал во сообраќајна незгода.
Додека, 34-годишен жител на село Злетово, пробиштипско, управувал возило иако имал изречена активна забрана за управување со возило.
По целосно документирање на случаите, ќе бидат поднесени соодветни кривични пријави.
