Во текот на изминатото деноноќие, на различни локации во државата, полициски службеници лишија од слобода шест возачи поради сторено кривично дело „безобѕирно управување возило“ по член 297-а од Кривичниот законик.
Сите лица управувале возило без положен возачки испит и тоа: 34-годишен маж и 17-годишник од Скопје, 23-годишен жител на с.Грчец, скопско, 24-годишен жител на с.Страчинци, скопско, 22-годишен жител на с.Врапчиште, гостиварско, и 18-годишен жител на Прилеп.
По целосно документирање на случаите, ќе бидат поднесени соодветни кривични пријави.
