Десетици илјади луѓе се собраа ноќеска на плоштадот Славија во Белград за да ја прослават победата на „Студентската листа“ на парламентарните избори.
Откако Александар Вучиќ го призна поразот, прослави започнаа и во многу други српски градови. Улиците беа полни со граѓани; атмосферата беше исполнета со песна, извикување пароли и звуци од автомобилски труби, а многумина носат српски знамиња.
Славија, еден од најголемите и најпознатите белградски плоштади, стана централно место на прославите. Снимките и фотографиите направени од воздух покажуваат огромна толпа што ги исполнила плоштадот и околните улици.
На Славија се собраа десетици илјади граѓани. Според извештајот на информативниот портал Nova.rs, се слушаат автомобилски труби, луѓето пеат, плескаат и извикуваат пароли, а некои од присутните дури почнаа да играат и оро.
Беа запалени факели, а приреден беше и огномет.
Голема прослава се одржа и во Нови Сад, градот каде што пред речиси две години започна студентското протестно движење.
Граѓаните го исполнија Плоштадот на слободата, а меѓу песните што можеа да се слушнат беше и „Живети слободно“ од Ѓорѓе Балашевиќ./Извор:Makfax
