Албанската полиција упати апел до учесниците во протестите да се дистанцираат од маскирани лица и групи што напаѓаат полициски службеници, државни институции и приватни објекти. Предупредувањето следува по насилните инциденти во Тирана.
За време на демонстрациите биле регистрирани напади врз полициски службеници и оштетување јавен и приватен имот. Полицијата соопшти дека дејствијата што ја загрозуваат безбедноста ќе бидат санкционирани согласно закон.
Граѓаните се повикани да ги избегнуваат локациите на кои има насилство. Полицискиот апел е објавен во услови на продолжени антивладини протести и зголемени тензии во албанскиот главен град.
