Најмалку осум затвореници загинаа во два одделни немири во затворите во еквадорските провинции Котопакси и Пичинча. Информацијата ја потврди националната служба задолжена за управување со казнено-поправните установи.
Според официјалното соопштение, четири лица загинале во затворот Котопакси број 1, а уште четири во установата Пичинча број 1. Во вториот затвор повредени се и десет лица, на кои им била обезбедена медицинска помош.
Еквадорскиот министер за внатрешни работи Џон Рајмберг порача дека властите ќе продолжат со мерките за воспоставување ред во казнено-поправниот систем.
