Финската влада издаде дозвола за работа на објектот „Онкало“, наменет за долгорочно складирање искористено нуклеарно гориво. Подземниот комплекс се наоѓа во близина на Еурајоки и претставува значаен чекор во управувањето со радиоактивниот отпад.
Комплексот е изграден во стабилна карпеста формација, а отпадот треба да биде складиран во специјални контејнери длабоко под земјата. Компанијата Posiva соопшти дека издавањето на дозволата претставува историски момент за проектот.
Пред фактичкото започнување на складирањето ќе следуваат дополнителни тестирања и контроли од финскиот регулатор за нуклеарна безбедност.
