Со положување цвеќе пред Споменикот на основачите на ВМРО во Скопје, владина делегација го одбележа Денот на македонската револуционерна борба. Делегацијата ја предводеше министерот за надворешни работи и надворешна трговија Тимчо Муцунски.
Министерот истакна дека државниот празник претставува потсетување на историските стремежи за слобода, самостојност и државотворност. Според него, почитувањето на револуционерното наследство треба да биде придружено со одговорност за развојот на современата македонска држава.
Одбележувањето се одржува на 133-годишнината од основањето на Македонската револуционерна организација во Солун во 1893 година.
