Политичката и општествената напнатост во Албанија добива нова димензија по одлуката на синдикатот на вработените во високото образование да започне генерален бојкот на државните универзитети. Професорите им се приклучуваат на студентските и граѓанските протести, барајќи оставка од премиерот Еди Рама.
Меѓу барањата се формирање техничка влада и распишување предвремени парламентарни избори. Според изјавата на синдикалното раководство пренесена од Телма, бојкотот треба да продолжи до исполнување на поставените барања.
Прекинот на наставата создава дополнителен притисок врз институциите и ги засега студентите кои чекаат нормализирање на наставниот процес.
