Украинскиот претседател Володимир Зеленски изјави дека ја има поддршката од европските лидери и ги отфрли информациите дека од него било побарано да го ублажи тонот во разговорите со американскиот претседател Доналд Трамп.
Зеленски порача дека Украина мора да го брани сопствениот опстанок и предупреди дека евентуалните отстапки кон Москва можат да отворат пат кон пошироко укинување на санкциите и обновување на економските врски со Русија.
Тој повторно го обвини Владимир Путин дека не сака мир и дека целта на Москва е уништување на Украина. Според Зеленски, евентуален украински пораз би можел да предизвика огромен нов миграциски бран кон Европа, при што ја спомена бројката од околу 20 милиони Украинци.
