Пратеничката група на ЗНАМ поднесе измени на Законот за семејството со кои посвоените лица, под точно утврдени услови, би можеле да добијат информации за своето биолошко потекло. Предлогот не предвидува целосно укинување на тајноста на посвојувањето.
Идејата е стручна комисија да ги оценува случаите поединечно, особено кога информациите за потеклото се важни поради здравствени причини. Партијата се повикува и на пресудата „Митревска против Македонија“ од Европскиот суд за човекови права.
