По долг период на недоволна искористеност, се најавува поинтензивно уредување на Скопското Кале. Премиерот Христијан Мицкоски при увидот на локацијата најави дека објектите на Музејот на праисторијата и Музејот на османлиското наследство се во завршна фаза.
Планот е музејските простори да бидат ставени во функција следната година, а паралелно да продолжи и уредувањето на околината. Намерата е тврдината да добие поголема туристичка и културна улога во Скопје.
