Разговорот меѓу шефовите на дипломатиите на Македонија и Бугарија заврши без договор за главните спорни прашања. Тимчо Муцунски по средбата оцени дека меѓу Скопје и Софија сè уште постои сериозен недостаток на доверба, но дека комуникацијата се одвивала конструктивно.
Македонската страна останува на ставот дека европскиот процес не треба да се оптоварува со прашања поврзани со јазикот, идентитетот, културата и историјата. Од Софија, пак, повторија дека очекуваат спроведување на обврските преземени во рамките на европскиот договор од 2022 година.
