Пратеничката Бисера Костадиновска Стојчевска, како дел од делегацијата на Парламентарното Собрание на Совет на Европа (ПССЕ), учествуваше во набљудувачката мисија на изборите во Босна и Херцеговина.
Овие избори за Босна и Херцеговина беа важни затоа што за првпат се воведоа дигитални алатки за гласање како скенери и апарати за отисоци.
На изборите се гласаше за тројцата членови на Претседателството на БиХ – Бошњак, Србин и Хрват; Претставничкиот дом на Парламентот на БиХ; Претставничкиот дом на Федерацијата БиХ; Претседател и потпретседатели на Република Српска; Народното собрание на Република Српска; кантоналните собранија во Федерацијата БиХ. Се избираше цела политичка структура на државно и ентитетско ниво.
Изборите поминаа со почитување на демократските принципи со сите предизвици на новата технологија која им помогна на граѓаните на БиХ да ја изразат својата волја.
