Centar.mk
СВЕТ

Британски аналитичар: Мерц е политички „жив мртовец“

Неуспешната политика на Христијанско-демократската унија (ЦДУ) и нејзиниот лидер, германскиот канцелар Фридрих Мерц, доведе до нагло опаѓање на неговиот политички авторитет, изјави британскиот аналитичар Александар Меркурис.

Коментирајќи го ставот на шефот на германската влада на YouTube каналот „Djuran”, Меркурис рече дека по тешкиот изборен пораз на ЦДУ, Мерц се соочува со сè посериозен отпор од сопствените редови.

„Ако зборуваме за самиот Мерц, првото нешто што треба да се каже е дека тој е очигледно „жив мртовец““, рече британскиот аналитичар.

Според него, проблемите на германскиот канцелар повеќе не се ограничени само на незадоволството на граѓаните, но забележливо е и слабеењето на неговата позиција во рамките на CDU. Меркурис верува дека Мерц наскоро би можел да остане канцелар само формално, додека неговото фактичко политичко влијание би продолжило да опаѓа.

Овие оценки следеа по изборите во Саксонија-Анхалт, каде што Алтернатива за Германија освои 43,8 проценти од гласовите, додека ЦДУ го забележа најлошиот резултат во историјата на таа покраина со 17,2 проценти. Исходот од изборите дополнително го зголеми притисокот врз Мерц и ја отвори дебатата за идната насока на германските христијански демократи.

Меѓутоа, лидерот на Христијанско-социјалната унија и баварски премиер, Маркус Цедер, ја отфрли можноста дека изборниот дебакл на ЦДУ може да доведе до оставка на Мерц. Тој рече дека сегашниот канцелар е сè уште „вистинската личност“ да ја води Германија.

И покрај јавната поддршка од лидерот на сестринската ЦСУ, резултатот во Саксонија-Анхалт означи еден од најтешките удари за Мерц откако стана шеф на германската влада и го продлабочи прашањето за неговиот авторитет во рамките на христијанско-демократскиот блок. /Извор:Makfax

Можеби ќе ве интересира

АМЕРИКАНСКИТЕ ВОЈНИЦИ ВО ЕВРОПА ПОД ПРАШАЊЕ – НАТО и Пентагон разговараат за можно прераспоредување

ДЕСК

ТРАГЕДИЈА ВО ОДЕСА – Четворица загинати во руски напад, нови информации за жртвите

ДЕСК

ЗЕЛЕНСКИ БАРА НОВИ ХУМАНИТАРНИ КОРИДОРИ – Предложена евакуација на цивили од десет окупирани локации

ДЕСК