Турскиот претседател Реџеп Таип Ердоган во петокот телефонски разговараше со претседателот на Обединетите Арапски Емирати, шеикот Мохамед бин Зајед Ал Нахјан.
Двајцата лидери разговараа за билатералните односи, како и за регионалните и глобалните случувања, при што Ердоган рече дека Турција вложува напори за ублажување на тензиите меѓу Иран и САД, како и за решавање на други конфликти во регионот.
Ердоган во разговорот потврди дека Турција ќе продолжи со своите дипломатски иницијативи насочени кон мир. Тој, исто така, нагласи дека Анкара се спротивставува на нападите врз соседните земји во регионот и нема да ги толерира./Извор:Makfax
