Југот на Франција беше погоден од исклучително силна бура проследена со разорно торнадо кое предизвика хаос во градот Помас, во близина на Каркасон. Според информациите од локалните власти, најмалку 26 лица се повредени, а нема смртни случаи.
Разорното торнадо се формирало доцна попладне како дел од исклучително силна бура што се движела помеѓу Каркасон и Лиму во департманот Од.
Врторот однел покриви, срушил ѕидови и целосно уништил некои згради.
Сите расположиви противпожарни единици, жандармерија и спасувачи се на терен, пребарувајќи ги урнатините и помагајќи им на локалното население, пренесуваат медиумите во регионот.
Повеќе од 100 згради беа уништени или сериозно оштетени.
Околу 2.800 домаќинства останаа без електрична енергија. Покрај торнадото, областа беше погодена од град од околу четири сантиметри.
Веднаш по забележувањето на феноменот на радарот, француските метеоролози издадоа итно предупредување:
„Суперќелија во одделот Од создава разорно торнадо кое е во постојан контакт со површината на земјата. Избегнувајте ја оваа област; оваа бура претставува директна закана за човечкиот живот!“/Извор:Makfax
