Драматична борба со пожарот се водела над прилепското село Бонче, каде огнената линија брзо се движела по падината кон населеното место. Стојанче Ангелов изјави дека ситуацијата била исклучително опасна и дека селото можело да биде директно зафатено.
Доброволните пожарникари од Битола и Кочани биле распоредени на линијата на огнот и успеале да го спречат неговото ширење кон куќите. Во интервенцијата биле вклучени и професионални пожарникари од Прилеп и Кавадарци.
Неколку доброволци вдишале чад, но според објавените информации нема изгорени куќи ниту загинати. Состојбата дополнително ја отежнувале високата вегетација и тешкиот терен.
