Во време кога брзината, практичноста и дигиталните услуги стануваат клучен дел од успешното работење, безготовинските плаќања сé повеќе не се предност – туку неопходност. Денес клиентите очекуваат да можат да платат брзо, едноставно и без готовина – без разлика дали купуваат во продавница, во локално кафуле, во салон за убавина или при испорака на производ. Токму затоа, Халкбанк се приклучи на иницијативата „Вредноста на безготовинското плаќање – Cashless Bitola“, која се реализира во соработка со Visa, Министерството за дигитална трансформација и останатите партнери од индустријата, со која на малите бизниси им овозможува полесен пристап до современи решенија за безготовинско плаќање.
Првите 50 микро, мали и средни компании од Битола и пелагонискиот регион кои ќе аплицираат, имаат можност да ги искористат промотивните поволности што ги обезбедува Халкбанк и да воведат современ начин на безготовинско плаќање во своето работење. Односно, да добијат можност три месеци бесплатно да го користат ХалкМоби ПОС (Soft POS), без провизија за месечно одржување и без провизија по реализирана трансакција и Visa Business Debit дебитна картичка, ослободена од годишна членарина во период од 12 месеци.
Малите трговци од Битола и регионот оваа шанса можат да ја искористат до 31 август до кога трае кампањата која е започната на 15 јуни.
Телефонот станува ПОС терминал
Со ХалкМоби ПОС, наплатата никогаш не била поедноставна. Наместо класичен ПОС терминал, доволен е Android мобилен телефон или таблет со NFC технологија. По активирањето на услугата, уредот се претвора во терминал за бесконтактни плаќања, преку кој трговците можат да ги наплатуваат своите производи и услуги каде и да се.
Клиентите можат да плаќаат со платежни картички, како и со мобилен телефон, паметен часовник, прстен, алка, привезок или кој било друг уред што поддржува бесконтактно плаќање. Доволно е уредот да се доближи до телефонот на трговецот, а трансакцијата се реализира за само неколку секунди.
Повеќе можности за малите бизниси
ХалкМоби ПОС е создаден токму за компаниите кои сакаат да бидат поблиску до своите клиенти. Без дополнителна опрема, без сложена инсталација и без големи почетни инвестиции, трговците добиваат можност да прифаќаат картични плаќања каде и да работат – во продавница, на пазар, на саем, на терен или при достава.
Покрај мобилноста, услугата овозможува и безбедни и брзи трансакции, увид во сите уплати во реално време и подобро искуство за клиентите, кои сè почесто избираат да плаќаат без готовина.
Со оваа иницијатива, Халкбанк уште еднаш ја потврдува својата посветеност кон развојот на локалното претприемништво и дигитализацијата на бизнисите. Поддржувајќи ги малите компании со современи финансиски решенија, Банката им помага да работат поефикасно, да бидат поконкурентни и да понудат услуга што одговара на очекувањата на денешните потрошувачи.
Заинтересираните мали трговци од Битола и регионот можат да аплицираат во најблиската експозитура на Халкбанк. Бројот на учесници е ограничен, а пријавувањето се врши по принципот „прв пријавен – прв услужен“.
