Сончево и многу топло со мала до умерена облачност. Ќе дува слаб до умерен ветер од западен и северозападен правец. Попладне ќе има локална нестабилност со пороен дожд, грмежи, засилен ветер и наместа ќе има услови за невреме со појава на град.
Утринските температури ќе се движат од 14 до 20 степени, додека дневните ќе достигнат од 31 до 40 степени. Најтопло ќе биде во југоисточните и централните делови од земјата, каде температурата ќе се искачи до 40 степени.
Во Скопје, сончево и многу топло со мала до умерена облачност. Попладне во делови од котлината ќе има појава на нестабилност со пороен дожд, грмежи и засилен ветер, наместа ќе има услови за појава на краткотрајно невреме.
