Вечерва е значително отежнат сообраќајот на автопатот Тетово–Скопје, во близина на наплатната станица на влезот во главниот град, каде се формираа долги колони од возила по сообраќајна несреќа.
Според неофицијални информации објавени од повеќе портали, инцидентот предизвикал сериозно забавување на сообраќајот на оваа делница, поради што возачите се движат со намалена брзина и подолго време чекаат во колоните.
Засега нема официјални информации за околностите на несреќата или за евентуално повредени лица. На возачите им се препорачува зголемена внимателност и трпение доколку се движат кон Скопје.
