Соопштение на СДСМ:
Нов ценовен удар за граѓаните – горивата денеска повторно поскапеа, втор пат за две недели. Уште едно поскапување после најавите на Мицкоски дека цените ќе се намалат.
Ова ново поскапување на горивата ќе значи и поскап транспорт, повисоки трошоци за компаниите и нов бран на веќе поскапените цени на храната за кои Мицкоски не презеде никакви мерки.
За 10 илјади денари е поскапена синдикалната кошничка за последните 2 години и надмина 70.000 денари.
Сметката повторно ја плаќаат граѓаните, кои крај со крај не можат да врзат во месецот.
Луѓето живеат крпен живот. Го бројат секој денар, прават невозможни математики како да го протуркаат месецот, со платата која едвај стигнува за храна, а не па за сметки или други потреби. На Мицкоски баш му е гајле, око не му трепнува.
СДСМ со месеци предлага конкретни решенија, замрзнување на маржите на основните прехранбени производи, поддршка за најранливите категории, повисока минимална плата и мерки за заштита на стандардот.
Мицкоски и неговата ВМРО одбија се што е во интерес на граѓаните, затоа што не им е грижа за граѓаните, важно им е само како да украдат од народот за да има повеќе за нивните партиски тендери.
