Се асфалтираат три краци кои се дел од улицата „Даме Груев“ во месноста викана „Мал Париз“ во вкупна должина од 410 метри, објави Општина Битола.
Асфалтирањето на коловозот на овие три краци изнесува 5.196.720 денари.
Претходно се работеше мешовита ( фекална и атмосферска ) канализација со приклучоци во вредност од 4.325.218 денари. Исто така и водоводна мрежа со приклучоци со вредност од 1.885.289 денари.
Вкупната сума на оваа реконструкција на трите краци чини 11.407.227 денари.
Со ова се подобруваат условите во секојдневието на локалното население, што е заложба на општината и на градоначалникот да работат на подобрување на уличната инфраструктура.
