Израелскиот премиер Бенјамин Нетанјаху вчера изјави дека некои христијански села во јужен Либан побарале припојување со Израел за да се заштитат од милитантите на Хезболах. Тврдењето, кое веднаш беше демантирано од локалните либански претставници, дојде во време на војната што ја зафати земјата од 2 март.
„Христијанските села во Либан, некои од нив навистина побараа припојување со Израел затоа што ги заштитуваме од Хезболах, од фанатиците на Хезболах кои сакаат да ги убијат. Истото го правиме за христијаните насекаде“, изјави Нетанјаху за Фокс њуз, без да прецизира за кои села станува збор.
Градоначалник: Апсолутно не
Либанскиот јавен радиодифузер ННА ја цитираше Хана ал-Амил, градоначалничката на христијанското село Рмеиш, како ги негира наводите на Нетанјаху. Амил рече дека дури и помислата за таа идеја е „апсолутно исклучена“ и дека „петнаесет христијански градови пред два дена објавија изјава во која ги отфрлаат тие тврдења“.
Во петокот, селата ја потврдија својата решеност да останат на својата земја, нагласувајќи ја својата „лојалност кон националниот идентитет“ и „приврзаност кон либанското знаме“./Извор:Makfax
