Centar.mk
МАКЕДОНИЈА

АХВ откри голема измама: Купувале сирење со 20% маст, добиле производ со 1%

Утврдени манипулации во декларираните проценти на млечни масти во преработки од млеко, соопшти АХВ.

Деведесет и една мостра од млеко и млечни производи и од сувомесни производи, од домашно производство и од увоз, земаа официјалните ветеринари на Агенцијата за храна и ветеринарство (АХВ) во рамки на вонредните контроли кои имаа за цел утврдување, дали реално производите по својот квалитет соодветствуваат со означеното на декларациите.

Засега комплетирани се резултатите од тестираните примероци млеко и млечни производи земени од поголемите синџии на маркети во земјава. Се чека комплетирање и на резултатите за тестираните сувомеснатите производи, за што јавноста дополнително ќе биде известена.

Од земените и лабораториски анализирани 45 мостри од млеко и млечни производи, кај 10 оператори утврдено е дека анализираните примероци не одговараат на одредбите од Правилникот за квалитет на земјоделските производи, односно, со тестирањата констатирано е дека во производите има помал процент на млечни масти од декларираното. Кај еден оператор со храна, со лабораториско тестирање на мостра од одземените 22 килограми ситно сирење, утврдено е дека биле декларирани 20 проценти млечна маст, а производот содржел само 1 процент, за што му е изречена парична казна од 3 500 евра во денарска противвредност.

За измама на потрошувачите, уште на осум оператори (производители и увозници) кај кои се утврдени отстапки од ваков вид, односно разлика во декларираниот и реалниот процент на млечна маст во контролираните млечни производи, изречени им се казни по 1050 евра во денарска противвредност.

Кај друг оператор со храна, со тестирањата констатирано е дека во производството на млечен производ користел растителни (палмини) масти, за што му е изречена парична казна од 1300 евра во денарска противвредност. Спорниот млечен производ во вкупна тежина од 500 килограми од овој оператор се повлечени од промет и нештетно уништени на депонија.

Кај оваа категорија оператори со храна, засилените инспекциските контроли од страна на Агенцијата за храна и ветеринарство ќе продолжат и во наредниот период, извести АХВ.

Можеби ќе ве интересира

СОМНЕЖ ЗА МИТО ВО ДИРЕКЦИЈАТА ЗА ЗАШТИТА И СПАСУВАЊЕ – Приведен вработен во координирана полициска акција

ДЕСК

ГИ НАПАДНАЛ СОПРУГАТА И МАЛОЛЕТНИОТ СИН И УПАТУВАЛ ЗАКАНИ СО ОСТАР ПРЕДМЕТ – Приведен 43-годишник во Скопје

ДЕСК

ПРОНАШЛА ПИШТОЛ „БЕРЕТА“, РАМКА И КУРШУМИ ВО ДОМОТ – 34-годишна скопјанка го пријавила оружјето од починатиот дедо

ДЕСК