Украинскиот претседател Володимир Зеленски ја обвини Русија за „целосен цинизам“, оценувајќи дека бара прекин на огнот додека истовремено изведува нови ракетни и дронски напади врз Украина.
Тој соопшти дека во ноќните руски напади загинале повеќе лица, а десетици се повредени, при што цел биле објекти од енергетската инфраструктура.
„Русија може да го прекине огнот во секој момент. Потребен е мир и вистински чекори за тој да се постигне“, напиша Зеленски на Икс, додавајќи дека Украина „ќе возврати со иста мера“.
Русија претходно најави примирје за 8 и 9 мај по повод одбележувањето на победата во Втората светска војна./Извор:Makfax
