На 23.04.2026 во 15:00 часот полициски службеници од ОВР Македонски Брод на место викано „Барбарас“ во Македонски Брод го лишија од слобода маж(68) од с.Дебреште, општина Дебреште.
При контрола на патниот сообраќај, полициските службеници забележале возило „рено” со скопски регистарски ознаки, кое го управувал мажот, а во кое имало бесправно пресечена дрвна маса.
На даден знак да запре, возачот не ги почитувал дадените наредби и почнал со поголема брзина да се приближува до службеното возило на полициските службеници, при што еден полициски службеник со службеното оружје пукал во воздух. Осомничениот е приведен во ПС Македонски Брод и по документирање на настанот ќе следува соодветен поднесок.
