Францускиот министер за надворешни работи Жан-Ноел Баро денес изјави дека Европската Унија наскоро би можела да почне да воведува санкции врз Израел, бидејќи промената на владата во Унгарија би можела да го отстрани долгогодишното вето на земјата.
Баро изјави за „Франс Инфо“ дека веќе една година се залага за санкции против поединци или субјекти одговорни за насилство врз Палестинците, вклучително и на Западниот Брег. „Мислам дека ќе можеме да ги усвоиме овие санкции во наредните денови“, рече тој во едно интервју.
Унгарското вето паѓа со заминувањето на Орбан
Тој рече дека мерките досега биле блокирани од Унгарија под водство на премиерот во заминување Виктор Орбан, но посочи дека ветото би можело да се укине по изборот на нов унгарски премиер. Тој исто така предупреди дека ЕУ не може да ги игнорира постапките на Израел ако неговите политики останат непроменети.
Во контекст на повикот за суспендирање на Договорот за асоцијација меѓу ЕУ и Израел, кој е условен од почитување на човековите права, министерот рече дека ако израелската влада не ја промени својата политика, Унијата нема да може да се однесува како ништо да не се случило./Извор:Makfax
