Утрово во 2:01 часот, сеизмографите на државната мрежа на сеизмолошки станици регистрирале земјотрес со јачина од 3,1 степени во близина на Костел, пишува словенечкиот портал Slo24.si.
Според првите податоци, земјотресот го почувствувале жителите на Кочевје, Чрномље и околните градови. ARSO Earthquakes проценува дека интензитетот (ефектите) на земјотресот во Словенија не го надминал IV степен на скалата EMS-98.
Вториот земјотрес е регистриран во 7:58 часот наутро. Сеизмографите на државната мрежа регистрирале земјотрес со магнитуда од 3,2 степени. EMSC претходно објави дека земјотресот имал магнитуда од 3,8 степени.
Епицентарот на земјотресот е регистриран 54 км источно од Љубљана, недалеку од Мокроног и Севница, на длабочина од девет километри. Севница е родниот град на првата дама на САД, Меланија Трамп, каде што нејзината дрвена статуа е поставена во 2019 година, која е запалена и заменета со бронзена следната година во септември, а е исчезната во 2025 година.
Според првичните податоци, земјотресот го почувствувале жителите на централна и источна Словенија. Се проценува дека интензитетот (ефектите) на земјотресот не го надминал нивото IV на скалата EMS-98, според Slo24.si.
Медиумите известуваат дека земјотресот е почувствуван и во Хрватска./Извор:Makfax
