Францускиот претседател, Емануел Макрон, изјави дека двонеделното примирје меѓу Соединетите Американски Држави и Иран треба да се прошири и на ситуацијата во Либан.
„Состојбата во Либан е критична“, изјави Макрон, оценувајќи дека израелските напади и присуството во јужниот дел на земјата не се вистинско решение.
Израел изврши повеќе напади врз Либан по акциите на Хезболах, а според либанските власти, во офанзивата загинале повеќе од 1.500 луѓе.
Макрон повика на почеток на преговори меѓу Израел и Либан и повторно ги осуди нападите врз оваа земја.
Иако примирјето меѓу САД и Иран, постигнато со посредство на Пакистан, го оцени како „многу добра работа“, останува неизвесно дали ќе се прошири и на Либан. Израелскиот премиер Бенјамин Нетанјаху порача дека договорот не го опфаќа Либан./Извор:Makfax
