Рускиот претседател Владимир Путин му рече на египетскиот министер за надворешни работи Бадр Абделати дека ситуацијата на Блискиот Исток е „заедничка грижа“ за двете земји и дека Москва е подготвена да помогне во нејзината стабилизација.
„Се надеваме дека сегашниот конфликт ќе биде брзо решен. Како што знаете, вчера на оваа тема зборуваше и американскиот претседател Доналд Трамп. Дозволете ми да повторам дека сме подготвени да направиме сè за да помогнеме во стабилизирањето на ситуацијата и, како што велат во такви случаи, да ја вратиме во нормала“, рече Путин на состанокот во Кремљ, според руски извештај./Извор:Makfax
