Премиерот на Хрватска, Андреј Пленковиќ, денес изјави дека на Сава во близина на Бабина Греда е во тек обемна и тешка операција за спасување на десетици мигранти кои во текот на ноќта налетале на непристапно мочурливо подрачје.
„Нема потврда дека некој загинал, но со оглед на тешките услови, немаме официјална потврда. Сите луѓе кои беа извлечени од реката се добро и се соодветно згрижени“, рече Пленковиќ на состанокот на Владата во Загреб.
Тој изјави дека инцидентот се случил синоќа за време на преминувањето на група од триесет мигранти.
„Дојде до превртување на чамци кои налетаа на мочурливото подрачје покрај Сава“, рече премиерот и додаде дека сите надлежни служби се на терен.
Фото Министерство за внатрешни работи на Хрватска
ПОПУЛАРНО НА ИНТЕРНЕТ...
