Израелските сили денес извршија воздушен напад врз јужните предградија на главниот град на Либан, Бејрут, објавија локалните медиуми.
Официјалната Национална новинска агенција на Либан објави дека непријателските авиони го извршиле нападот во зори.
Според очевидци, од упориштата на Хезболах кои Израел постојано ги напаѓа од почетокот на војната овој месец, се слушнале неколку експлозии.
Според извештаите, на местото на настанот може да се види чад.
Израел претходно издаде опсежни предупредувања за евакуација за областа, но не издаде никакво конкретно предупредување пред нападот утрово, објавува „Тајмс оф Израел“.
Во областа, која обично е густо населена, нема жители откако започнаа судирите, а во моментов нема информации дали има жртви./Извор:Makfax
