Иран испали две балистички ракети кон американско-британската база Диего Гарсија, која се наоѓа на четири илјади километри оддалеченост, во средината на Индискиот Океан, објави „Волстрит џурнал“.
Ниту една од двете ракети испукани кон базата не ја погодила целта, но ова е првата употреба на балистички ракети со среден дострел од страна на Иран од почетокот на војната.
Диего Гарсија е една од двете бази што Обединетото Кралство им ги отстапи на САД во петокот за употреба за „специфични одбранбени операции против Иран“, заедно со Ферфорд во Англија.
Станува збор за стратешки исклучително важна база за САД, каде што се стационирани нуклеарни подморници, бомбардери и разорувачи во средината на Индискиот Океан, пишува Франс Прес./Извор:Makfax
