Американскиот Стејт департмент најави привремена суспензија на обработката на имигрантски визи за апликанти од околу 75 земји, како дел од мерките за построга примена на правилата со кои се оценува дали некој кандидат би можел да стане „јавен товар“ – односно да се потпира на државна помош и јавни бенефиции по пристигнувањето во САД.
Според информациите, од конзуларните служби е побарано да ги одбиваат апликациите врз основа на постојните законски одредби, додека се врши преиспитување на процедурите за проверка и безбедносна контрола. Суспензијата треба да започне на 21 јануари 2026 година, а не е наведено колку ќе трае.
Мерката, според досегашните извештаи, се однесува само на имигрантски визи (а не на туристички или деловни визи).
На списокот на земји кои се споменуваат во извештаите од Балканот се наведуваат Македонија, Косово, Црна Гора и Албанија, додека од Светот и Русија, Иран, Авганистан, Бразил, Нигерија, Тајланд, Сомалија, како и други држави.
