Во клубот во Швајцарија во кој на новогодишната ноќ избувна пожар имало и еден македонски државјанин. Портпаролката на Владата, Марија Митевска, ја потврди информацијата и кажа дека засега нема повеќе детали.
„Последните информации кои ги добивме од надлежните институции се дека има една личност со македонско државјанство, меѓутоа во контакт сме со швајацарските власти и полицијата и очекуваме повеќе детали во однос на тоа, по што ќе ја информираме јавноста“, рече Митевска, одговорајќи на новинарско прашање на прес-конференцијата во Владата.
Таа, исто така, кажа дека Владата преку министерствата стапила во контакт со претставници на Швајцарија и дека им е понудена помош.
Според неофицијални информации, во пожарот досега загинале 47 лица, а над 100 се повредени./Извор:Makfax
