Соопштение на Град Скопје:
Градот Скопје интензивно продолжува со унапредување на спортската инфраструктура во скопските средни училишта, следејќи ја визијата за создавање здрави, активни и мотивирани генерации. Инвестициите што се реализираат во моментов претставуваат важен чекор кон обезбедување современи услови за спорт и рекреација, кои ќе им овозможат на средношколците повеќе можности за развој, дружење и градба на спортски навики.
Со поставување фокус на квалитет, безбедност и функционалност, новите и реконструираните терени стануваат директна инвестиција во иднината на младите и темелот на посилно и поенергично Скопје.
Во прилог Ви ја доставуваме изјавата на градоначалникот на Град Скопје, Орце Ѓорѓиевски:
Нови и модерни спортски терени добиваат средните скопски училишта
Горд сум кога нашата визија што ја градиме, полека добива своја форма, што ми дава уште поголема инспирација и мотив да продолжиме уште посилно.
Со силна и јасна цел да ги мотивираме средношколците да живеат здраво, ставаме огромен фокус во инвестирањето во спортската инфраструктура.
Ова е инвестиција во здрави генерации кои се темелот на нашата иднина.
Во моментов се во реализација нови и реконструирани спортски терени, во училишта:
СУГС „Браќа Миладиновци“ – повеќенаменско спортско игралиште.
СУГС „Здравко Цветковски“ – повеќенаменско игралиште со специјално уредени спринт-патеки.
СУГС „Димитар Влахов“ – ново фудбалско и кошаркарско игралиште.
СУГС „Кочо Рацин“ – фудбалско игралиште, терен за одбојка и целосно реконструиран под во спортската сала.
СУГС „8 Септември“ – игралиште за кошарка и одбојка.
СУГС „Ѓорѓи Димитров“ – тениско, кошаркарско и фудбалско игралиште.
Сите овие терени се градат со високо-квалитетни и издржливи материјали, односно полипропиленски спортски подови од ист тип како оние што се користеа на Летните Олимписки игри во 2024 година.
Ова е стандарден избор кога се сака безбедност, издржливост и професионални услови за тренинг.
И тука не застануваме.
Спортот е навика, дисциплина, карактер и тимска работа.
Затоа, во континуитет ќе продолжиме да ја развиваме и унапредуваме спортската инфраструктура низ целото Скопје.
Затоа што Скопје заслужува.
А младите, повеќе од било кој.
