Прво го удрила со возилото, а потоа излегла и се заканувала со остар предмет и го нападнала повредениот- Детали за инцидентот пред угостителски објект во беровско

На 08 декември 2025 година во 00:40 часот во ОВР Берово било пријавено дека пред угостителски објект во селото Будинарци, беровско, 52-годишна жена од селото Возарци, кавадаречко, со патничко возило марка „хјундаи“ со штипски регистарски ознаки удрила во едно лице.

Пешакот, 38-годишен маж од селото Митрашинци, беровско, во моментот бил во друштво со 24-годишен жител на истото село. По ударот, жената излегла од возилото и со остар предмет се упатила кон помладиот маж, по што физички го нападнала постариот маж.

По инцидентот, таа го напуштила местото на настанот со уште едно лице кое се наоѓало во возилото.

Надлежните служби преземаат мерки за целосно расчистување на случајот.