На регионалниот пат Струга – Дебар, во близина на Струга, се случила сообраќајна несреќа меѓу патничко возило и автобус, при што тешко е повредена сопатничка од автобусот.
Несреќата се случила на 21.11.2025 околу 11:20 часот, кога патничко возило „фолксваген голф“ со струшки регистарски таблички, управувано од 70-годишен жител на Велешта, се судрило со автобус „мерцедес“ со струшки регистарски ознаки, кој го управувал 42-годишен жител на Лабуништа.
Во сударот тешки телесни повреди здобила патничка во автобусот, 58-годишна жена од Лабуништа, а повредите ѝ биле констатирани во Медицинскиот центар Струга.
По наредба на јавен обвинител, увид на местото на несреќата извршила увидна екипа на ОВР Струга.
