Германската амбасадорка во Македонија Петра Дрекслер во интервју за 360 степени го повтори ставот дека интеграцијата на Македонија во ЕУ е надворешнополитички приоритет за Германија.
Тоа, според неа било докажано и со последната посета на германскиот министер за надворешни работи. Јохан Вадефул на Македонија и земјите од регионот.
„Со посетата на шесте земји од Западен Балкан, министерот за надворешни работи на Германија, Јохан Вадефул, испрати многу јасна порака: овој регион за Германија има надворешнополитички приоритет. Иднината на Западен Балкан ја гледаме во ЕУ. Министерот за надворешни работи Вадефул и тука, во Скопје, нагласи уште еднаш дека за нас клучот на патот кој води натаму е во решителното спроведување на реформите. Германија и понатаму ќе дава поддршка на натамошниот пат, и да, оваа перспектива за пристап е реална“ рече амбасадорката.
Според Дрекслер интеграцијата на Македонија во ЕУ е поврзана со добрососедските односи со Бугарија и исполнување на условите од европскиот предлог, односно внесување на бугарското малцинство во Уставот.
ПОПУЛАРНО НА ИНТЕРНЕТ...
