Министерот за здравство на Романија, Александру Рогобете, објави дека Државната санитарна инспекција и контролното тело ќе спроведат административни проверки откога двегодишно девојче почина синоќа во стоматолошка ординација во Букурешт кога доживеа кардиореспираторен застој за време на интравенска анестезија.
Романскиот министер изјави дека прелиминарните информации укажуваат на можно доцнење помеѓу моментот на срцев застој и повикот на бројот за итни случаи, но нагласи дека оваа информација се зема со резерва и дека попрецизни податоци ќе бидат достапни кога ќе заврши истрагата, објави „Диги 24“.
Рогобете објасни дека административните проверки ќе вклучуваат усогласеност со прописите и минималната опрема на ординацијата, а медицинската комисија испитува дали имало елементи на медицинска небрежност./Извор:Makfax
