Доскорешниот градоначалник на Крушево, Томе Христовски, на социјалните мрежи излезе со став за состојбите во неговата матична партија СДСМ.
Христовски вели дека СДСМ мора да биде сплотена партија, да обединува и да носи издржани решенија за проблемите.
„Ова не е борба за фотелји, ова е борба за душата на СДСМ и иднината на државата.
Нашата цел мора да биде јасна – СДСМ повторно да стане победничко движење, партија која обединува, која создава, која води напред. СДСМ мора, може и ќе биде движечка сила на промените – државотворна партија што ја носи Македонија во ново време.
Партија во која секој член ќе се чувствува слушнат, почитуван и вреден“ пишува Христовски.
Целта, додава тој, е едноставна, да го вратиме победничкиот дух, да ја промениме сликата во денешното и идното време каде СДСМ е фактор на стабилност и сигурност.
