Израелските сили упаднаа во град во јужен Либан во текот на ноќта, при што загина еден општински службеник, објавија вчера локалните медиуми, пренесе Анадолија.
Државната новинска агенција ННА објави дека израелските трупи влегле во градот Блида, во округот Марџајун, користејќи воени и теренски возила и напредувајќи речиси еден километар на територијата на Либан, во она што го нарече „опасен и невиден напад“.
Израелските војници ја нападнале зградата на општината Блида околу 1:30 часот наутро и убиле еден општински службеник.
Жителите во областа пријавиле дека слушнале повици за помош од зградата сè додека израелските сили не се повлекле околу 4 часот наутро по локално време.
Според агенцијата, либанската армија го транспортирала телото на убиениот службеник во болница откако израелските војници се повлекле.
Немаше официјален коментар од израелската армија за медиумските извештаи./Извор:Makfax
ПОПУЛАРНО НА ИНТЕРНЕТ...
