Рускиот претседател Владимир Путин вели дека одговорот на Москва на потенцијалните напади со ракети „Томахавк“ врз руска територија би бил „жесток“.
Евентуалната испорака на ракети „Томахавк“ во Украина е обид за ескалација на тензиите. Одговорот на Русија на нападите со ракети „Томахавк“ врз руска територија би бил сериозен, ако не и зачудувачки“, рече рускиот претседател, објави РИА Новости.
Путин им порача на оние кои сакаат да испратат ракети „Томахавк“ во Украина да „размислат за тоа“.
Претходно, генералниот секретар на НАТО, Марк Руте, ја поддржа одлуката на американскиот претседател Доналд Трамп да не испорача ракети „Томахавк“ на Украина во конфликтот со Русија, велејќи дека Трамп е „апсолутно во право“ поради сложеноста и должината на обуката потребна за користење на оружјето.
По средбата со Трамп во Белата куќа, Руте изјави за Си-Ен-Ен дека обуката на украинските сили за ова моќно оружје трае многу месеци и дека не е можно веднаш да се распоредат испорачаните ракети.
