Centar.mk
МАКЕДОНИЈА

Филипче: Само СДСМ може да се спротивстави на хаосот што го прави ВМРО-ДПМНЕ

Претседателот на Социјалдемократскиот сојуз на Македонија, д-р Венко Филипче, заедно со кандидатката за градоначалник на општина Карпош, Маја Мојсова Мијовска се сретнаа со граѓаните на оваа општина на кои им порачаа дека СДСМ е силата што може да ја исправи државата која повторно е ставена под закана од режим, од сиромаштија и од институционално уништување.

„Брутална партизација, брутално задолжување на земјата од сомнителни извори во огромни суми како никогаш досега, злоупотреба и политички реваншизам. Нема никаква грижа за граѓаните – грижа има само за себе, за партијата и за една мала група луѓе. Во такво сценарио единствен кој може да се спротивстави е СДСМ,“ рече Венко Филипче на маалската средба во општина Карпош.

Тој истакна дека борбата за подобра иднина мора да започне „од секоја една уличка, од секое маало, преку населба и општина, па сè до големите градови“ и дека тоа треба да биде вовед во голема победа за да се спаси државата. Филипче посочи дека граѓаните очекуваат чесност и одговорност, а токму тоа е понудата на СДСМ.

„Не е лесно – и ние не ветуваме лесно. Ветуваме тешка борба, но искрена и чесна. Ние сме тие кои треба да ја спасат државата од политичка катастрофа. Само со единство и обединети сили можеме да победиме,“ додаде Филипче.

Во своето обраќањето тој ја нагласи поддршката за кандидатката за градоначалник на општина Карпош, Мојсова Мијовска, за која кажа дека како докторка има искуство во работата со луѓе и дека знае што значи да се слушнат и да се разберат нивните проблеми.

Можеби ќе ве интересира

Ѓорѓиева: Со Предлог-Буџетот за 2027 година се става акцент на инфраструктурни проекти и развој на локалната самоуправа

ДЕСК

ПООБИЛЕН ДОЖД УТРЕ ВО МАКЕДОНИЈА – Во петок температури до 23 степени, за викендот следува промена

ДЕСК

ПАТАРИНИТЕ МОЖЕ ДА ДОБИЈАТ СОСЕМА НОВ НАЧИН НА НАПЛАТА – Николоски најавува современ електронски систем

ДЕСК